"كلامى هام للبنات اللى لسة مرتبطين ارتباط غير رسمى"
كلامى موجه للبنات
اللى لسة مرتبطين
ارتباط غير رسمى
بزميل فى العمل او زميل فى الجامعة
او جـــــــــــــــــــــــار او قريـــــــــــــــب
اى كان ربنا يكرمكوا وتعلنوا ارتباطكوا
وتلبسوا احلى الدبل
النقطة هنا
ازاى تحافظى ع القصة دى وتكميلها للاخر
وتجيبى رجلو فى المصيدة
ههههههههه
طبعا كل شىء قسمة ونصيب
وكله من عند ربنا سبحانه وتعالى
لكن برضه ربنا ادانا عقل نفكر بى
ركزى بئى ياحلوة فى اللي هقوله
……مفيش خروج نهائى
بمعنى زميل عمل او دراسة
ميجيش بعد الجامعة نخرج فى حتة
كافيه ولا نتمشى ولا ولا
نفس الكلام فى الشغل
لان ميصحش تخرجوا اصلا
وكمان عشان لو حصلت كبسة من عندك
وحد شافك مثلا ميحصلش مشكلة
ومتقوليلش هتخرجوا كجروب
هتلاقى نفسكوا ماشيين اتنين اتنين اصحاب اصحاب
هههههههه
……مكالمات بعد الساعة 11 بليل مفيش
لان ميصحش لان الوقت متاخر وكمان عشان مامته او اخته
او حتى والده او اخوه
اكيد هيبئوا عارفين بيكلم بنت
لانو بيبان يافالحة وده عادى الراجل ميعبوش حاجة
محدش يقول من عندهم ازاى بتكلمه لغاية دلوقتى فين اهلها دى
يبئى خدوا عنك انطباع مش كويس وعن اهلك كمان
…..اوعى تختلطى مع اهله
بمعنى مش فرح خالته تروحى
عيد ميلاد ابن اخته تروحى
كده يعنى ..خلي اهله مشتاقين يشوفوكى
…..ممنوع يبئى معه صورة ليكى ع الموبايل
لانو هيبئى طاير وفرحان ويفرجها لاهله
مامته بينها وبين نفسها او حتى لو بينت لى
مش هيبئى عاجبها وهتقول ازاى تديلك صورتها
او ازاى تصور معه ده يعنى لو اتصورتوا صورة مع بعض
……لو كنتى ارتبطى بحد قبله
والارتباط مكملشى اوعى تحكى لى
لان الراجل بطبعه فى سنة شك
لكن لو اتخطبتى قبل منو
واجب عليكى تقولى طبعا
ولو سئل ع الاسباب متحكيش تفاصيل
تقولى محصلشى نصيب وبس على كده
……..هو لو حكى ليكى عن ماضى لى
اسمعى واسكتى ومتسئليش
وبعد ما يحكيلك اوعى تفتحى معه الموضوع تانى
تجاهلى تماما وخليكى واثقة فى نفسك
….لازم تبئى معرفة حد من اهلك عن الارتباط ده
مامتك او اختك
خلى حد على وعى بيشارك معاكى
…..حسسيه دايما
ان العرسان على بابك حتى لو مفيش
بس برضه اوعى تبالغى
وده عشان يتحمس اكتر واكتر
وينجز سيته ويجى ع الباب
….كمان تعرفى ان اهلك شداد
مبيحبوش الدلع
ومعندهموش بعد الخطوبة خروجات والكلام ده
عشان يعرف انكوا محافظين
واهلك بيحافظوا عليكى وبيراعوا بنتهم
خلاصة كلامى
غلى نفسك اوووووووووى
وعززى نفسك اوى
وخلى يعرف قيمتك يابنوتة
وقبل كل ده قربى من ربنا اوووى
وادعى كتير
ادعى ان لو ارتباطك من الانسان ده خير ليكى
يارب قربه ليا ولو شر ابعده عنى
وربنا يارب يبارك لكل بنوتة ويرزقها الزوج الصالح
|
موضوع: "كلامى هام للبنات اللى لسة مرتبطين ارتباط غير رسمى" 
الأربعاء يناير 23, 2013 2:21 am