أنا بقلب في النت لقيت ناس كاتبين عن موضوع كلنا بنلاحظه واحنا ماشيين في الشارع هو ان البنات بيعملوا بجسمهم حركات مياعة ومياصة وهم بيتصوروا وساعات يناموا في الارض وكدة. ولقيت موضوعين دمهم زي العسل لناس بتنتقض الحركات ده:
الأول:
البنات بتتصور ليه بشكل مش كويس في الشارع؟
نهى أحمد
الموضوع اللي عايزة أتكلم فيه النهاردة هو التصوير اللي البنات بيعملوه في الأماكن العامة... لإننا ابتدينا نلاحظ الظاهرة ده مع انتشار الموبايل وبالذات أبوكاميرا... مش عارفة ليه البنات لما بتيجي تتصور بياخدوا بجسمهم أوضاع فيها إغراء ومياصة ووقاحة شديدة... والمصيبة إنهم بيكونوا في الشارع وقدام الناس كلها وفي عزالنهار... تلاقي البنت بتخللي صاحبتها تصورها فتقوم واقفالها وقفة كلها مياعة ومياصة وتقوم صاحبتها مصوراها وتقوم البنت مغيرة الوقفة علشان تتصور صورة تانية وبعد كدة تقوم قاعدة أو نايمة في الشارع أو في مكان عام قدام الناس كلها علشان تتصور وساعات البنات بتتصور في أوضاع مش ولابد... والمصيبة الأكبر إن كل البنات اللي شوفتهم بيعملوا كدة محجبات...
يعني أنا عايزة أضرب شوية أمثلة: كنت في سيتي ستارز وكان فيه بنت واقفة على حيطة علشان تتصور وكان سنها حوالي ستاشر سنة وكانت بتصورها بنت قريبتها في سنها وكان واقف معاهم سيدات شكلهم أمهاتهم وبنات وأولاد صغيرين... البنت اللي بتتصور كانت محجبة ولابسة جينز ضيق جدا... اتصورت تقريبا عشرين صورة بضهرها وسوري في الكلمة كانت أغلب الوقت مرجعة مؤخرتها لورا جامد بشكل شديد الإغراء والابتذال... وكلهم بيتفرجوا والموضوع إيزي جدا... وكان منظرهم شعبيين جدا جدا... أنا وقفت أتفرج على عملية الجنان والهبل اللي بتحصل قدامي... ومشيت وأنا في غاية الاستغراب وقلت صحيح العقل نعمة...
برضه موقف تاني لبنت كانت صاحبتها بتصورها ناحية ميدان روكسي... البنت محجبة ولابسة جيبة طويلة وواسعة ومحتشمة... صاحبتها نازلة تصور فيها وهي عمالة تاخد بجسمها أوضاع كلها وقاحة وابتذال لدرجة إنها نامت على الأرض اللي كلها تراب وبرضه كانت قمة في السفالة والوقاحة في حركات جسمها وصاحبتها نازلة تصوير فيها...
موقف حصل كنت في الأزهر بارك وكانت بنت صاحبتها بتصورها قريب مني... والبنت عمالة تقول لصاحبتها: صوريني وأنا قاعدة هنا وصوريني وأنا واقفة بالطريقة الفلانية وصوريني وأنا نايمة هنا... فوجئت بيها بتقول لصاحبتها: صوريني وأنا (مفلقسة)... قامت عملتها بجد وصاحبتها قعدت تصورها وهي في الوضع ده... مش كدة وبس ده كانت عمالة توجهها وتقوللها ابعدي رجليكي وقربيهم ونزلي ضهرك لتحت.. إلخ... بصراحة ساعتها مااستحملتش ورحت جيت على البنت اللي بتتصور وقلتلها: بلاش يا حبيبتي التصوير بالشك لده في مكان عام... البنت كانت بتتكلم معايا وهي سوري في الوضع ده ماغيرتهوش وكانت بتقول: حضرتك ده أوضاع لازم نتصور فيها ومش بنعملها إلا في التصوير بس... سيبتهم ورجعت مكاني وكملت البنت تصوير وهي في الوضع السافل ده وبعدين بصولي ومشيوا وأنا ماشية بعد فترة لاقتهم بيتصوروا برضه في مكان تاني وبرضه في أوضاع سافلة...
مش عارفةهل حد لاحظ الموضوع ده ولا أنا اللي عايشة في القرون الوسطى؟
وفيه واحدة رادة وكاتبه:
طب خدتي بالك بقى لما يكون في الرجاله اللي بتلبس اشخاص الكرتون وتيجي البنت تحط اديها على كتفه ولا هو يحط ايده على وسطها ولا معرفش تلزق فيه ازاي ال يعني ده مش انسان وهو ظايط طبعا مهي هيصه
ده لسه شيفاه بعيني انهرده كنت في ماكدوالدز والبت كبيره والله مش صغيره وبتتصور مع واحد لابس وش كبير كده راحت حاطه اديها على كتفه ومميله جسمها كله عليه
والله العظيم مبعمل كده مع خطيبي لما بنتصور
كتهم القرف الثاني:
موضوع يفطس من الضحك: التصوير المبتذل في الشارع بالموبايل
هبة أحمد
كنت بتصفح المنتديات اللي بتتناول موضوع التصوير لقيت موضوع كاتبه راجل شكله كبير
بس موضوع فطسني من الضحك
نصائح للبنات.. بلاش التصوير المبتذل في الشارع
أنا حبيت أتكلم هنا عن ظاهرة سيئة جدا بدأت تنتشر في الشوارع والحدائق العامة.. ألا وهي إن البنات تتصور بشكل مبتذل.. مع انتشار الكاميرا في الموبايل زادت حكاية التقاط الصور التذكارية في أي مكان.. أنا عن نفسي بحب التصوير جدا.. وعلى طول لما نخرج أنا والمدام والأولاد لازم نفضل نصور في بعض صور تذكارية كتيرة جدا.. وبلاحظ الشباب والبنات غاويين يتصوروا بالموبايل كتير في الشوارع والأماكن العامة..
للأسف أحيانا كنت بلاحظ إن بعض البنات وهم بيتصوروا بيقفوا وقفات مش تمام بل أحيانا بيقعدوا أو يناموا في أي جنينة برضه بشكل ما يصحش.. يعني بيبقوا عاملين بجسمهم حركات عيب..
مرة كنت ماشي في ميدان تريومف الصبح لاقيت بنتين من بتوع الجامعة واقفين يتصوروا بالموبايل لإن الميدان يعتبر حديقة.. ولاحظت للأسف إنهم بيقفوا وقفات مش تمام وبعد كدة بدأوا يتصوروا وهم نايمين على الأرض وقاعدين وبيعملوا أوضاع بجسمهم قذرة جدا وبيتصوروا فيها.. كنت ماشي جنب الميدان وببص عليهم لاقيتهم بينادوني وبيقولوا: ممكن تصورنا يا عمو؟ على طول وافقت لإني كنت عايز أسئلهم بتعملوا كدة ليه.. بدأت أصورهم وهم بيعملوا بجسمهم حركات فيها إثارة عالية شوية لدرجة إني أحرجت.. سألتهم إنتم ليه بتعملوا بجسمكم كدة؟ واحدة قالت أصل بنحب نتصور في أوضاع.. قلت لهم: بس برضه مايصحش قدام الناس تعملوا كدة بجسمكم.. قالولي: عادي.. مشيت وسيبتهم.
بعد كدة بفترة كنت مع صديق لي في منطقة مسجد السلطان حسن والرفاعي وكنا قاعدين على السور هناك.. لقينا بنتين برضه بيتصوروا بشكل مبتذل جدا على الأرض لدرجة إن ملابسهم اتسخت من التراب.. لدرجة إن صديقي قال: إخص!!! ايه اللي البنت بتعمله بجسمها ده؟!!.. إيه قلة الأدب ده؟!!
اضطريت اروح لحد عندهم وانبههم إنه عيب أوي يعملوا كدة قدام الناس.. قالوا: إحنا آسفين ومشيوا.
برضه حصل كذا موقف قدامي زي كدة علشان كدة حبيت أنبه البنات إنهم ياخدوا بالهم وهم بيتصوروا.. ممكن يتصورا بشكل محترم بس عيب الحركات العيب اللي بيعملوها بجسمهم ده.
انتهى الموضوع
!!!!!!!!!!
الظاهر إن عمو اللي كاتب الموضوع دقة قديمة جدا
مايعرفشي إن في حاجة في التصوير اسمها بوزات
Poses
ومايعرفشي كمان إن الواحدة لازم تتصور في كل الأوضاع
صحيح بعض الأوضاع بتكون درجة الإثارة اللي فيها عالية جدا
بس إحنا مضطرين نعملها علشان ده قواعد التصوير
وأي بنت بتحب التصوير لازم تتصور في كل الأوضاع
وكمان إحنا بنتصور في الشارع أو في مكان عام بهدومنا ومش بنقلع ونكشف جسمنا
وكمان بنكون بالحجاب
وكمان إحنا بنتصور للتذكار زي ما قال
مش علشان حنقدم في الجيش
علشان كدة لازم أغري بجسمي على قد ما أقدر
وكمان لو مش عاجبه مايبصس
يدور عينه على طول
مرة كنت بتصور في القلعة وكنت واخدة أوضاع
لاقيت ست عندها حوالي خمسين سنة برضه جاية بتقوللي بلاش كدة وعيب وكدة
والناس حتشوفك بالشكل ده
قلتلها والله يا طنط الناس مش متضايقة
واللي متضايق ممكن يدور وشه ومايبصش
وكملت تصوير زي ما انا عايزة
مش عارفة ليه الناس بتتدخل في خصوصيات غيرها
|
موضوع: البنات بتتمايع ليه وهي بتتصور في الشارع؟ 
الأربعاء يناير 23, 2013 2:18 am