ح كنت خارج مع 3 صحابى منهم
واحد اول مره اشوفه ... وحصل موقف حبيت
اعرف رايكوا فيه ماشى لا بيا ولا عليا وحاطط
ايديا فى جيوبى وبدندن مع اغنيه واحد مننا
لقيت واحد منهم اللى هو اول مره اشوفه جاى يقولى
حمادة تعالى كدا ثانية ... قولتله اؤمر يا صديقى
قالى بص كدا فى عنيا كويس
قولتله مالها مفيهاش حاجه يابنى زى الفل اهى
قالى لا يابنى بص ع اللينسز مظبوطه ولا لا
قولتله ابص على ايه يا روح أمك 
قالى ايه يابنى مالك ... قولتله انت بتتكلم جد انت
لابس لينسز قالى آآهــآآ وربنا فيها ايه يعنى
قولتله وابوك شافك وانت نازل من البيت بيها
وسابك عادى ... قالى اها طبعا
"يافرحة امك بيك"
مش عايز اقولكوا طبعا انى ماشى مع اصدقائى بقيت
الخروجه وانا بعيد عن الشاب دا ... مش عارف ليه بس
حسيت انى قرفان منه جه هو بقى قالى فى اخر الخروجه
ان عادى يابنى حوار اللينسز دا مفيهوش حاجه يعنى
دى حاجه عاديه كدا زى مانت بتحط جيل مثلا او تتشيك
وتلبس كويس
انا ماردتش عليه وسبته يتكلم براحته خالص
لانى عارف مهما اتكلم معاه هو مقتنع باللى بيعمله
ومش هاعرف اغير من تفكيره
بس اما رجعت البيت وقعدت مع نفسى قولت ازاى
معقوله فى بنت ممكن تعجب بشاب بيلبس لينسز ملونه
وكاوى شعره ؟! ... انا اللى اعرفه ان اى بنت مش
بتميل لحد قريب منها فى الطباع او المظهر
"يافرحة امك بيك"
إية رأيك فى الشبآآب اللى بيكووآآ
شعرهم أو بيلبسوآآ
لينسز او بيحطوآآ كريم لتفتيح البشرة ؟؟؟
================
|
موضوع: يافرحة امك بيك 
الإثنين يناير 21, 2013 2:41 am