فــــــــاكــــــــر ولا نسيــــــــــــت

فاكر ولا نسيت يوم ما جيتلك وانا حزين

فاكر لما جيتلك عطشان كلي شوق وحنين

قلتلك انا عايزك انتا وحدك

قلتلك مقدرش اعيش بعدك

فاكر عملت إيه ولا نساك الزمان وقستك السنين

فاكر لما وعدتني نتقابل

وجيت لقيت ورد حبك دابل

ورجعت وانا في قلبي شايل

جرح كبير منك لسه بشكي منه لكل العاشقين

فاكر حبي ولا تحب افكـــــــرك

فاكر كم مرة كنت تقسى واحذرك

لا عملت حساب لجرحي ورجعت قلبي مليان أنين

فاكر لما كنت ببكي قدام عنيك

وانتا ولا دمعة تبكيها عليا عنيك

كنت ظالم وقاسي ولا عمرك فكرت في يوم تلين

يا ترى فاكرني ولا نستني خلاص

يا ترى لسه في بقلبك مكان للإخلاص

انا فاكر اني حبيتك بجد بس مكنتش عارف انتا كنت بتحب مين

خليك ناسي حكايتنا مش عايزك تفتكرها

انا سكتك تعبتني هدور على سكة غيرها

عارف هتفتكر الشر ليا وتنسى الخير

مع اني عمري ما عملت معاك غير الخير

بس اللي بيكره انســـــــان

صعب يحسسه بالأمــــــان

ما هو الزمان غير الزمــــان

حتى الحب يا قلبي خلاص بقى شكله غيــــر

آسف اني فكرتك بحاجات

مكنتش يوم في بالك

لكن لا بد في يوم الذكريات

تسكن في قلبك وبالك

ساعتها هتفتكر انك ظلمتني ياما

وهتعرف ان جرحك جوايا سايب علامة

بس خلاص انتهت الحكاية

خلصت القصة والروايـــــة

دلوقتي انا نسيت ولازم اقوللك مع السلامة